АНАСЫ ТУҒАН ҰЛЫН СОТҚА БЕРДІ

Баласы мас күйінде үйге келіп, анасын сыйламай, отбасы тыныштығын бұзған. Өкінішке орай, бұл әрекеті де бұдан бұрын қайталанған екен.

«Анасы сотта баласының өзіне сыйламаушылық көрсетіп, себепсіз былапыт сөйлеп, ар-намысына тиетін сөздер айтқанын және мұндай жайттар жиі қайталанатынын айтып, заңды шара қолдануды сұрады», – дейді Атырау облысы Қызылқоға аудандық сотының баспасөз қызметі.

Сот қаулысымен баласы 3 тәулік мерзімге әкімшілік қамаққа алынды.