АТЫРАУДА СПОРТТЫҚ ШАРАЛАР ТОҚТАТЫЛДЫ

Коронавируспен аурудың алдын алу шараларына байланысты 16 наурызынан бастап бұқаралық-спорттық iс-шаралар, оқу-жаттығу жиындары тоқтатылды.

Бұл туралы Атырау облысы дене шынықтыру және спорт басқармасы хабарлады.

«Қазір коронавирус тек бізді ғана емес, әлем елдерін әбігерге салып, дүниені дүрліктіріп тұр. «Індеттен сақтану – міндет» екенін естен шығармайық. Қабылдап жатқан түрлі сақтық шараларына түсіністікпен, жанашырлықпен қарап, қолымыздан келгенше қолдау көрсетейік. Жауапкершілік – қауіпсіздік кепілі», – дейді Атырау облысы дене шынықтыру және спорт басқармасы.