Атырауда дәретханадан табылған нәрестенің жағдайы «орташа ауыр»
![Атырауда дәретханадан табылған нәрестенің жағдайы «орташа ауыр» 1 img 20200825 125114 818 1024x576 1](https://depti.kz/wp-content/uploads/2021/10/img_20200825_125114_818-1024x576-1.jpg)
Атырау облыстық Денсаулық сақтау басқармасы көшедегі дәретханаға тасталған нәрестенің және кейіннен табылған оның анасының жағдайын айтты.
Облыстық Денсаулық сақтау басқармасы баспасөз қызметінің ақпаратына сүйенсек, 3 қазанда көшедегі дәретханадан табылған шақалақ Индер аудандық ауруханасының босану бөлімінде жатыр.
«Нәрестенің жынысы – ер. Бала ауруханаға түскенге дейін суықтап қалған. Дәрігерлер нәрестенің өмірін сақтап қалу үшін медициналық ем-дом шараларын жүргізді. Қазір баланың жағдайы тұрақты, алайда, орташа ауыр деп бағаланып отыр. Ал, нәрестенің анасы – Индер ауданының 1990 жылғы тұрғыны аудандық аурухананың босанудан кейінгі бөліміне жатқызылды. Қазір жаңа туған шақалақ та, анасы да дәрігерлердің бақылауына алынды. Оларға қажетті емдеу шарасы көрсетіліп жатыр», – деп хабарлады басқарманың баспасөз қызметінен.