Атырауда Ashyq қосымшасымен «қызыл» мәртебесі бар 61 адам анықталды.
Атырау қалалық санитарлық-эпидемиологиялық қадағалау басқармасы бастығының орынбасары Мұрат Қамзиннің айтуынша, коронавирус инфекциясын жұқтырған адамадар қоғамдық орындарға емін-еркін барып жүрген. Бұл туралы “Қазақпарат” жазды.
«Қауіпті вирусқа шалдыққан адамдар ХҚКО-ларда, сауда орындары мен базарларда, әуежайда, дүкендерде және басқа да нысандарда көрсетілетін қызметтерді пайдалануға тырысқан. Жыл басынан бері Атырауда Ashyq қосымшасымен «қызыл» мәртебесі бар 61 адам анықталды. Олар – коронавирус инфекциясын таратушылар. Осыған байланысты амбулаторлық емдеуге оқшауланған адамдарды карантиндік шектеу режимін бұзбауға, қоғам алдында азаматтық жауапкершілік танытуға шақырамыз», -дейді Мұрат Қамзин.
