«Теңізшевройл» (ТШО) вакцина алған қызметкерлерге қосымша төлем төленетіндігі туралы әлеуметтік желілерде тараған жалған ақпараттан хабардар. Бұл ақпарат шындыққа сәйкес келмейді. ТШО-да вакцинациялау бағдарламасы ерікті түрде жүзеге асырылуда және бүгінгі күні Теңізде 94% астам қызметкер екпе алды.
ТШО-ның басты құндылығы – қызметкерлердің және өзіміз жұмыс істейтін қауымдастықтың қауіпсіздігі мен денсаулығын қорғау болып қала беретінін атап өтеміз. ТШО компанияның және мердігер ұйымдардың барлық қызметкерлері ақпараттың бастапқы көзіне ғана сенеді және егжей-тегжейлерді анықтау үшін өздерінің тікелей басшыларымен байланысады деп күтеді.
