АТЫРАУДА

АТЫРАУДА «ZHAS ULAN CUP» ЖЕҢІМПАЗДАРЫ АНЫҚТАЛДЫ (+фото)

Биыл «Жас Ұлан» бірыңғай балалар мен жасөспірімдер ұйымының құрылғанына 10 жыл толып отыр. Бұл ел Тәуелсіздігінің 30 жылдық мерейтойымен тұспа-тұс келуде.

zhaswlan 1

Осыған орай, Атырау қаласындағы №24 мектепте «ZHAS ULAN CUP» облыстық пікірсайыс турнирі өтті. Мақсат – жастардың сөздік қорын байытып, ұлтжандылық пен еңбексүйгіштікке тәрбиелеу.

zhaswlan 3

Аймақтағы 20 пікірсайыс клубының басын қосқан шараны Атыраудағы «Жас Ұлан» қоғамдық бірлестігі мен «DODA» Атырау пікірсайыс орталығы бірлесіп ұйымдастырды. Сайысқа қатысқан 9-11 сынып оқушылары бір-бірімен әлемдік тәжірибеге сүйеніп, американдық парламенттік форматта сайысты.

zhaswlan 2

Турнир нәтижесінде Ақниет Бақтығали (IT мектеп-лицейі) «Үздік спикер», Аружан Ренатқызы (№34 көпсалалы мектеп-гимназиясы) «Үздік оратор», Айсәуле Молдашева  (№36 мектеп-гимназиясы) «Ең мақсатты ойыншы», Альбина Серікова (Ш.Уәлиханов атындағы орта мектеп) «Ең білімді ойыншы» және Ғасырбек Сайлау (С.Өтебаев атындағы Атырау мұнай және газ университеті) «Үздік төреші» номинациялары бойынша үздік танылды.

zhaswlan 4

Аталған ұйымның Атыраудағы төрайымы Мартагүл Қанатова жеңімпаздар мен белсенді қатысушыларға диплом және Алғыс хат табыстады.

Амандық САҒЫНТАЙҰЛЫ

Суреттерді түсірген Әнуар ӘБІЛҒАЗИЕВ

zhaswlan 8
zhaswlan 9
zhaswlan 6
zhaswlan 7

Тақырып бойынша мақалалар

Back to top button