АТЫРАУДА ЖОҒАЛЫП КЕТКЕН 87 ЖАСТАҒЫ ӘЖЕЙ ТАБЫЛДЫ

img 20210930 wa0099

Атырауда жоғалған 87 жастағы әжей аман-есен табылды.

29 қыркүйек күні сағат 10:30 шамасында қала тұрғыны Атырау мөлтек ауданындағы аялдамалардың бірінде егде жастағы әжейдің ұзақ уақыт бойы қараусыз отырғаны туралы хабарлама берген. Полиция қызметкерлері дереу аталған аялдамаға жетіп, салқын күні суықтап отырған кейуананы қызметтік көліктеріне отырғызып, әңгімелесу кезінде әжей соңғы уақытта басынан қандай оқиға өткені есінде жоқ екенін, өзінің есімін де, қай жерде тұратынын да білмейтінін айтады.

Тәртіп сақшылары дереу жақын маңда орналасқан тұрғын үй кешендерінің аулалары мен көшелерін аралап  әжейдің үйін тауып, аман-есен отбасына жеткізді.

  Дер кезінде үйіне  жеткеніне қуанған әжейдің балалары өз күштерімен іздегенмен еш нәтиже болмағанын, полиция қызметкерінің қырағылықтарына,
атап айтқанда полиция майоры Дастан Сағынбаев және полиция капитаны Ақылбек Жиенғалиевқа ерекше алғыстарын білдірді.

Өз кезегінде полиция қызметкерлері қарт ата-аналарды, балаларды қараусыз қалдырмауды, жеке өзін ешқайда шығармауды ескертеді.

Бізді әлеуметтік желілерде бөлісіңіз: