Атыраулық құсбегілер “Ақ бидай” ойындарында күміс жүлдегер атанды

9ddbcbec 4213 42b1 94a6 36f30b1cba99

10-20 қазан күндері Ақтау қаласында Қазақстан Республикасы Тәуелсіздігінің 30 жыл толу мерейтойына орай өткен «Ақ бидай» VII Республикалық ауыл спорты ойындарында Атырау облысының ұлттық спорт түрі «Құсбегіліктен» құрамасы командалық есепте ІІ орынға ие болды.

Құсбегіліктен Атырау облысы құрамасы атынан жерлестеріміз Кушкаров Арман және Абдулкаримұлы Сармат қатысқан болатын. Абдулкаримұлы Сармат «Ителгілер арасындағы құсбегілік» жарысында І орынды иеленсе, «Бүркіттер арасындағы құсбегілік» жарысында ақтық сайысқа шығып, уақыт көрсеткіші бойынша ІІІ орынды иеленді.

Кушкаров Арман болса «Қаршығалар арасындағы құсбегіліктен» IV орынды иеленді.

Бұл жетістігі арқылы жерлесіміз Абдулкаримұлы Сармат Құсбегіліктен «Спорт шебері» нормативін орындады.

Бізді әлеуметтік желілерде бөлісіңіз: