АТЫРАУДА
Атыраулық тұрғын брондалған әскери машина сатпақ болған
![Атыраулық тұрғын брондалған әскери машина сатпақ болған 1 img 20220428 wa0078](https://depti.kz/wp-content/uploads/2022/04/img-20220428-wa0078.jpg)
ZTB фейсбук парақшасында Атырау қаласында 35 жастағы ер адам заңсыз брондалған барлау-шолғыншы машинасын (БРДМ-2) сатуға тырысқандығын айтқан.
Бұл туралы облыстық полиция департаментінің баспасөз хатшысы Мейірім Ердәулеттен білгенімізде, эстремизмге қарсы іс-қимыл басқармасының қызметкерлері жедел-іздестіру іс-шараларын жүргізу барысында 1986 ж.т. азаматқа тиесілі аталған әскери машина табылып, тәркіленгендігін айтып, ақпаратты растады.
Қазіргі уақытта аталған факті бойынша ҚР ҚК 386-бабы 1-бөлігі бойынша сотқа дейінгі тергеп-тексеру амалдары жүргізілуде. Ал күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.