БҮГІН ОҚУШЫЛАР ҚАШЫҚТЫҚТАН БІЛІМ АЛА БАСТАДЫ

Бүгін таңертең елорда уақытымен сағат 9-дан бастап, бастауыш сыныптары үшін теледидардан сабақ өтіп, 1 миллионға жуық қолданушы электронды платформаларды пайдаланып үлгерген.

«Теледидардағы сабақ 10 минуттан болады. Бұл формат тек жаңа сабақты түсіндіру үшін ғана пайдаланылады. Әрі қарай сабақ барысын оқушы тиісті платформалар арқылы мұғаліммен кері байланыс арқылы жалғастырады», – деді мемлекеттік комиссияның шұғыл штабы.