0
Қызылқоға ауданының Қарабау ауылында “Батыр боламын” қорының демеушілігімен спорттық зал ашылды.
Ашылу салтанатына қор өкілдері мен аудан әкімінің орынбасары қатысты. Токио Паралимпиада ойындарының күміс жүлдегері Ануар Сариев, Аргентина жасөспірімдер Олимпиада ойындарының қола жүлдегері Әбілмансұр Батырғали арнайы келіп, өз қолтаңбаларын қалдырды.
Аманбай Қыздарбаев, Жандос Қиянов және Айбар Есенғалиев сынды белгілі спорт мамандары жас спортшыларға сәттілік тіледі.
Айта кету керек, бұл “Батыр боламын” қорының ашқан екінші залы. Бұдан бұрын Абай ауылында да дәл осындай зал пайдалануға берілген болатын.
