Қоғам белсенділері студенттермен кездесті

Референдум: Атырауда қоғам белсенділері студенттермен кездесті.

«Былина» этномәдени бірлестігінің төрағасы Андрей Кораблев пен Атырау облысы Қазақстан халқы Ассамблеясының мүшесі Дарья Шилина Атырау инженерлік-гуманитарлық институты жанындағы колледж студенттерімен кездесу өткізді, деп хабарлайды ATPress.kz.

Іс-шараны колледж директоры Жангүл Туманшиева ашты.

• – Президент Қасым-Жомарт Тоқаев алдағы республикалық референдум туралы жариялады. Өздеріңіз білетіндей, соңғы референдум 1995 жылы Конституция қабылданған кезде өтті. Әрине, бізге өзгеріс қажет. Біз «Еститін мемлекет» қалыптастырудамыз. Сондықтан, әрқайсыларыңыз еліміздің болашағы үшін дауыс берулеріңіз керек, – деді Жангүл Тұманшиева.

Қоғамдық белсенділер Конституцияға енгізілетін негізгі өзгерістерді және референдум өткізудің мәнін талқылап, жаңа Қазақстанның қалыптасуы үшін енгізілетін түзетулердің маңыздылығын атап өтті.