ҚазақстандаСАРАПТАМА
ӘЛЕУМЕТТІК ЖЕЛІЛЕРДЕ ЖАҢА ҚАРЖЫЛЫҚ ПИРАМИДА
Қазақстанда «Котёл, или Чёрная касса» ойыны жаппай таратылып жатыр.
Ойынның мәні – «14,300 теңге инвестиция салыңыз және өзіңіз секілді екі адамды ойынға шақырыңыз. Сіз инвестиция салушыларды неғұрлым көбейтсеңіз, соғұрлым пирамиданың жоғарғы шыңына жетесіз. Ойын соңында 114 000 теңге аласыз».
FINANCE.kz ескертеді! Бұл – әдеттегі Ponzi схемасы. Ол кейінгі тіркелушілерден алынған қаражат есебінен алғашқы тіркелушілерге кірістер береді. Қарапайым тілмен айтсақ, бұл – қаржылық пирамида.
Бұл схема бастапқы сатыларда жақсы табыс беруі мүмкін. Жаңа ойыншылар тіркелуді тоқтатқаннан кейін кіріс таусылады.
Өзіңіздің, жақын адамдарыңыздың оңай табыс табу жолында алданып қалуына мүмкіндік бермеңіз!