Атырау-Махамбет автобусы көпшіліктің көңілінен шықпай жүр

Күн сайын қатынайтын автобустың уақыты тұрғындар үшін тиімсіз болып отыр.

– Атырау-Махамбет бағытында жолаушылар тасымалдайтын 45 орындық «KIA» маркалы автокөлігінің иесімен, яғни жеке кәсіпкермен арадағы келісімнің заңды күші жоқ. Құжаттардың кешіктірілуіне байланысты кәсіпкер шығынының бір бөлігін өтеуге қажетті субсидияны ала алмады. Сондықтан күніне екі мезгіл жолаушы тасымалдау оған да тиімсіз. Алдағы уақытта жұмыс кестесін өзгертуге тырысатын боламыз, – депті zh-shugylasy.kz сайтына Махамбет аудандық тұрғын-үй коммуналдық шаруашылығы, жолаушылар көлігі және автокөлік жолдары бөлімі басшысының орынбасары Асылан Сапаров.