АТЫРАУДА БИЫЛ 19 ҮЙ ЖӨНДЕУДЕН ӨТЕДІ

Бұл туралы өңірлік коммуникациялар қызметінде өткен брифингте қалалық тұрғын үй инспекция бөлімінің басшысы Хабиев Қайрат мәлімдеді.

«Бүгінгі күні 2020 жылға Өңірлерді дамытудың 2020 жылға дейінгі бағдарламасы аясында 19 көпқабатты тұрғын үйге күрделі жөндеу жұмыстарын жүргізу жоспарлануда. Қазіргі күні жоба-сметалық құжаттама жасақталып, мемлекеттік сараптамадан өтіп, бұл жөндеу жұмыстарын жүргізу үшін қаржы бөлуге ұсыныс берілді», – деді Қайрат Хабиев.