АТЫРАУДА БЛОКПОСТТАРДЫ АЙНАЛЫП ӨТПЕК БОЛҒАН АЗАМАТТАР ЖАУАПҚА ТАРТЫЛДЫ

2-8 сәуір аралығында полиция қызметкерлері қалаға кіре берісте орналасқан Алмалы, Қара өзек, Бесікті бөгет бекеттері маңайындағы қара жолдар арқылы карантин аймағы шекарасын жаяу кесіп өтпек болған алты азаматты және жеңіл көліктерімен 13 жүргізушіні ұстады.

«Құқықбұзушыларға қатысты ҚР ӘҚБтК «Төтенше жағдай режимін бұзу» – 476 бабымен әкімшілік хаттамалар толтырылып, сотқа жолданды», – дейді облыстық ПД баспасөз қызметі.