Сайлаудың ерекшелігі – өзін-өзі ұсынушыға да мүмкіндік берілуінде

Әкім сайлауы Қызылқоға ауылдық округінде, Қарабау ауылында өткізіледі.

Іріктеуден өткен 3 кандидатымызды тіркедік. Бірі – «Nur Otan” партиясынан, енді бірі – «Ауыл» партиясынан және біреуі – өзін-өзі ұсынушы.

Үміткерлердің барлығы да үгіт насихаттарын жоспарға сай, уақытылы жүргізіп келеді.

Округ бойынша 853 сайлаушы сайлауға қатысады. 862 дана сайлау бюллетені келіп, дайын тұр.

Сайлауға жалпы қойылатын басты талаптар жылдан жылға өсуде. Халықпен етене жақын болып, бірлесе жұмыс жасау – ол басты талаптың бірі. Енді, халық өз азаматтарын таниды, біледі. Бірелесе жұмыс атқару үшін, өздері әділ таңдауларын жасайды деген үміттеміз.

Барлық талаптар қатаң сақталған. Барлығы жоғары деңгейде өтеді деп сенеміз.

Жолдас Ибрашов,
ҚР АШМ Агроөнеркәсіп кешеніндегі мемлекеттік инспекция басшысы Қызылқоға аудандық аумақтық сайлау комиссиясы төрағасының орынбасары