Бүгін «ҚазМұнайГаз» ҰК АҚ Басқарма төрағасының орынбасары – қаржы директоры Дәурен Қарабаевтың Samruk Aqparat баспасөз орталығының алаңында онлайн-брифингі өтті. Брифингтің тақырыбы: «ҚазМұнайГаздың» 2020 жылғы бірінші тоқсандағы қызметінің қорытындысы және нарықтағы жағдайдың компанияға ықпалы» болды деп хабарлайды аталған компанияның баспасөз қызметі.
Брифингтің негізгі тезистері.
Өндірістік көрсеткіштер:
– Мұнай және газ конденсатын өндіру деңгейі 5,9 млн тоннаны құрады.
– Өндірілген мұнайдың 4 млн тоннаға жуығы немесе 69%-ы экспортқа шығарылды.
– Қазақтеңізкөлікфлотының теңізбен тасымалдау көлемін және Каспий Құбыр Консорциумындағы ҚМГ үлесін қоса алғанда, магистралды құбырлар бойынша мұнай тасымалдау көлемі 18,5 млн тонна деңгейінде болды.
– Газ тасымалдау көлемі 9,4%-ға ұлғайып, 28,3 млрд текше метрге жетті.
– Бірінші тоқсанда отандық мұнай өңдеу зауыттарында көмірсутек шикізатын өңдеу көлемі 3,3 миллион тоннаны құрап, өткен жылдың деңгейінен шамалы ғана жоғары болды.
– Зауыттардың жүктемесі азайды. Қазіргі кезде АМӨЗ ең жоғары ықтимал жүктемесінен 87%-ға, Шымкент зауыты – 61% жұмыс істеп тұр.
Қаржы көрсеткіштері:
– 2019 жылғы бірінші тоқсанмен салыстырғанда түсім 21%-ға 1,7 трлн теңгеден 1,4 трлн теңгеге дейін қысқарды.
– Нәтижесінде, шоғырландырылған таза пайда 309 млрд теңгеден бағалау бойынша 100 млрд теңгеге дейін азайды.
– Кейбір еншілес және тәуелді кәсіпорындар шығынға батты.
– Біздің кәсіпорындар үшін мұнайдың шығынсыз бағасы мұнай өндіруші еншілес компанияларда 10-нан бастап 36 доллар арасында. Қазір біз шығындарды азайту есебінен бұл деңгейді төмендету бойынша жұмыс жасап жатырмыз.
– Бірінші тоқсанның нәтижелері «ҚазМұнайГаз» көрсеткіштеріне мұнай бағасы құлдырауының теріс ықпалын әлі толық көрсетпейді.