АТЫРАУДА ЕР АДАМ КӨПІРДЕН СЕКІРМЕК БОЛДЫ (ВИДЕО)

22 сәуір күні таңғы 10:30  шамасында белгісіз ер адам балықшы көпірінен секірмек болған.

«Бұл туралы көпір бойындағы блок бекетте  тұрған полиция қызметкерлеріне ер адамды көргендер хабарлаған. Естіген полиция лейтенанты Айдын Каженов жедел түрде оқиға орнына жеткен. Ол бірден секіргелі тұрған адамды әңгімеге айналдырып, қасынан өтіп бара жатқан адамға оны ұстап алу туралы белгі берген» – depti ПД баспасөз қызметі.

Осылайша полиция инспекторы Айдын Каженов қайғылы оқиғаның алдын алды.

Өз-өзіне қол жұмсамақ болған ер адам Атырау қаласының тұрғыны екендігі белгілі болды.