АТЫРАУДА
АТЫРАУЛЫҚ ТАЙБОКСШЫ INTERNATIONAL CHAMPION БЕЛДІГІН ҰТЫП АЛДЫ
Ишан Галиев кәсіпқой муайтайда алтыншы жекпе-жегін өткізіп, жеңіске жетті.
Атырау облыстық дене шынықтыру және спорт басқармасының баспасөз қызметінің айтуынша, 2 наурыз күні Тайланд елінде Ишан жергілікті спортшымен қолғап түйістірді. Ол қарсыласын уақытынан бұрын жеңіп, «International Champion» белдігін ұтып алды.
«Бұл атыраулық спортшының кәсіпқой аренадағы алтыншы жекпе-жегі. Алтауында да уақытынан бұрын ұтып отыр. Қазіргі уақытта ол Тайланд елінде оқу-жаттығу жиындарын өткізуде», – дейді облыстық дене шынықтыру және спорт басқармасының баспасөз қыметі.
Айта
кету керек, Ищан Галиев әлем чемпионатының бірнеше дүркін жүлдегері, халықаралық
дәрежедегі спорт шебері.