Атырауда ауыр салмақты автокөлікке 320 000 теңге айыппұл салынды
Атырау облысы бойынша көліктік бақылау инспекциясы кезекті жұмысының барысында қалаішілік жолдармен жүрген ауыр салмақты автокөліктерді анықтады.
Анықталған екі ауыр салмақты көліктің біріне 120АЕК, екінші көлікке 80 АЕК көлемінде айыппұл салынды.
«ҚР әкімшілік құқық бұзушылық кодексінің 571 бабының 6 бөлімі, яғни ауыр салмақты автокөлік құралдарының арнайы автоматтандырылған өлшеу құралдарын пайдалану арқылы тіркейтін, салмақтық параметрлерден асыра отырып, рұқсатсыз жүріп өтуі бойынша әкімшілік айыппұл салынды» – депті Атырау облысы бойынша көліктік бақылау инспекциясының мамандары.
Сонымен қатар ауыр салмақпен қалаішілік асфальтқа зақым келтіргендіктен жол алым сомасы өндірілді. Тексеру барысында ауыр салмақты автокөліктегі жүктің құжаты болмағандығы да анықталды.
